Eguzki-energia: Eguzki-erradiazioaren neurriak
Erradiazio mota bat baino gehiago neurtu edo kalkulatu daitezke:
Zuzena: | Eguzkitik zuzenean hartzen dena. |
Barreiatua: | Beherantz zuzenduriko eguzki-erradiazioa, sakabanatua eta
islatua, hemisferio guztitik, eguzki-diskoaren angelu solidoa kenduta, datorrena. Erradiazio barreiatua
neurtzen duten sentsoeek itzal eraztun bat dute eta kokapenaren arabera, urtean zehar biratu egiten da,
eguzkiak sentsorearen gainean zuzenean inoiz ere jo ez dezan. |
Islatua: | Zoruak islatzen duen erradiazioa; albedoaren balioaren araberakoa da. |
Globala: | Aurreko erradiazio guztien batura. |
Albedoa elementu baten erreflektibitatea da, islatzen duen erradiazioaren ratioa. 0tik 1erainokoa izan
daiteke; 0 bada gainazalak erradiazio osoa xurgatzen duela esan nahi du, eta 1 bada dena islatzen duela.
Kalkuluetarako 0,3ko albedoa erabili dugu.
Estazio gehienek erradiazio globaleko sentsoreak dituzte, gainazal horizontal batean jarriak. Neurri hori hartuta,
eta data-ordua, longitudea, latitudea eta panelaren inklinazioa eta orientazioa kontutan izanda, beste
erradiazio mota guztiak kalkula daitezke.